Голем дел од Јужна Кореја е погоден од обилни дождови, предизвикувајќи закана од поплави, додека најголемиот јужнокорејски остров Џеџу е погоден од силни ветрови кои предизвикаа откажувања и одложувања на летовите.

Така, на пример, во главниот град на Јужна Кореја, Сеул, утрово наврнале 58,2 милиметри дожд на метар квадратен, а повеќе од 80 милиметри наврнале во централните и југозападните региони, објавија метеоролозите, пренесува Јонхап.

Метеоролозите прогнозираат дека дождот ќе престане во среда наутро во повеќето региони на Јужна Кореја.