Израел ги отповика своите амбасадори во Шпанија, Ирска и Норвешка. Исто така ги покани и амбасадорите на Ирска, Шпанија и Норвешка во Израел на разговор во текот на кој ќе гледаат видеа од киднапирањето на 7 октомври, пишува Би-би-си.

„Историјата ќе памети дека Шпанија, Норвешка и Ирска решија да доделат златен медал на убијците и силувачите на Хамас, кои силуваа тинејџерки и палеа бебиња. Наредив амбасадорите веднаш да бидат повикани на разговор за време на кој ќе гледаат ужасни снимки од киднапирањето за да им илустрираме каква извртена одлука донесоа нивните влади. Израел нема тивко да помине преку ова – нивниот потег ќе има сериозни последици“, рече израелскиот министер за надворешни работи, Израел Кац.