Руската индустрија произведува околу 30 нови пешадиски борбени возила месечно, така што загубата на 200 такви возила помеѓу 14 февруари и 14 март е проблем, кој Кремљ делумно го решава со повлекување на старите борбени возила од Студената војна од складиштето, минимално обновување и испраќање во првите редови по стапка од околу 50 парчиња месечно.
Но, овие залихи на стари возила се конечни. Веројатно само неколку илјади постари такви возила останале во складиште, а многу од нив непоправливо ‘рѓосале. Борејќи се да произведат пешадиски борбени возила по две години тешки борби, Русите стануваат очајни, пишува Форбс.
Тој очај ги објаснува двете чудни руски борбени возила „направи сам“ кои – според украинскиот оператор со беспилотни летала “Кригсфоршер” – неодамна се појавиле на фронтот, очигледно околу урнатините на Авдијивка во источна Украина.
Едниот беше стар тенк Т-62 од 1960-тите, со отстранета купола, оставајќи празен простор во трупот од 32 тони за пешадијата да клекне внатре. Другото беше инженерско возило БТС-2 од 35 тони засновано на тенкот Т-54 од 1950-тите, на кој очигледно му недостигаше врвна опрема – конкретно дигалка.
„Изгледаше… морничаво“, напиша Кригсфоршер за возилата „направи сам“.
Damaged and abandoned RUAF mechanised infantry platoon near Avdiivka. The platoon consisted of three GFV (Golf «fighting» vehicle).
P.S.
Near one village RUAF used T-62 and BTS-2 without turrets with extra «armour» to deliver their infantry to the frontline.It looked…creepy pic.twitter.com/6a9TioBSXA
— Kriegsforscher (@OSINTua) March 8, 2024