Во борбена, другарска и наелектризирана атмосфера помина свечениот дел од Вториот редовен Пленум на #Левица. На свечениот дел му претходеше работен дел на кој му беше доверен уште еден мандат на Димитар Апасиев за претседател на партијата, додека за Генерален секретар беше зазначена Јована Мојсоска.
🚩 Претседателот Апасиев во својот говор зборуваше за Новата Борбена Левица – низ рекапитулација, а потоа и преку теоретско насочување на идеолошките и политички принципи повеќекратно ја продлабочи идејната матрица на Левица, правејќи ја посилна во своите дела за класно и национално ослободување, како и отпорна на нападите од политиките непријатели: ,,Ние не сме Партија која ги претставува сите, ние сме партија која ја претставува работничката класа и непривилегираните! Оттука, наше е да го повикаме духот на антиестаблишментот да излезе од шишето и да заигра во дворот на богаташите и транзициските профитери. Дојдено е времето за наплата – да ги пребориме зулумите, да ги израмниме есапите!”
🇮🇪 На Пленумот со говор зема учество и една од најистакнатите левичари на денешницата, европратеничката од Република Ирска, Клер Дејли, загрме во салата и рече: ,,За влез во ЕУ, се бара од вас ‘компромис’, да се откажете од вашата историја, вашиот идентитет, дури и името на вашата земја! Побогу, колку ниско може да одат!
🚩 На присутните им се обрати и пратеникот во Собранието на Република Македонија Борислав Крмов, кој ја лоцираше нашата задача и порача: ,,Да ја донесеме правдата на прагот на куќата на секој обичен човек. Да има леб и пристојна работа за сите, да има повторно безгрижно детство за нашите деца, тоа е товарот на оваа генерација!”
🚩 Портпаролот на партијата Амар Мециновиќ го прогласи антифашистичкиот фронт на Левица и народните маси кој ќе се пресмета на следните избори со т.н. ,,европски фронт” и широката коалиција: ,,Нашите класни и политички непријатели се вооружени со сиот информативен, безбедносен и финансиски капацитет на располагање. На нишан го држат цутот на слободата, но нивното оружје не може да ја победи вистината, нуту пак да спречи да се повтори историјата! Затоа, ние ќе победиме!”
🇮🇪 Европратеникот Мик Волас, пријател на Левица и бестрашен борец против империјализмот го коментираше потполно потчинетиот однос на нашите политичари, издвојувајќи го министерот за надворешни работи Бујар Османи, за нивната сервилност и лудост во задоволување на империјалните амбиции на елитите од Запад: ,,Вашите политичари се спремни да ги праќаат вашите војници во Африка за да ги бранат интересите на бизнис елитите? Што мајка бараат македонските војници во Африка? Тоа не се ваши битки.”
🇷🇸 Марко Шовиќ од Новата Комунистичка Партија на Југославија, повторно како и на минатот Пленум, се обрати и ги забележа монументалниот раст на партијата во изминатите четири години, и инспириран порача: ,,Левица на Балканот е светла точка која треба сите да ја следиме. Ние треба да се вратиме во Србија со сета инспирација која ја добивме денес и со заклучоците од вашето искуство да градиме Левица и во Србија.”
👉 Во свечениот дел, делегатите, гостите и членовите на Левица ја проследија и културно-уметничката програма која во духот на македоската национална и социјалистичка традиција, како и принципите на интернационализмот, вдахна во вечерта благородна димензија и го издигна духот на партијата – со хорска изведба на химната на Република Македонија, Интернационалата и партиската химна ,,Во борба македонски народе”, преку поетско рецитирање на ,,Тешкото”, ,,Очи” и ,,Копачи”, бравурозните фолкорни настапи, изведбите на македонски партизански песни како ,,Абре Македонче” и патриотски како ,,Кога падна на Пирина”, се до балетска точки на песните ,,Аванти пополо” и ,,Бела чао”.
На странските гости, како и на Амбасадорите на Народна Република Кина и Руската Федерација, претседателот на Левица проф. д-р Димитар Апасиев им врача статуетки како симбол на пријателство и благодарност за присуство на Пленумот.
#Левица одлучно и бестрашно чекори кон освојување на власта во Република Македонија, првично преку целосно уништување на СДС во левиот политички спектар, потоа и преку победа над останатите партии на буржоазијата – до конечно ослободување!
Смрт на фашизмот – слобода на народот!
Да живее Левица!
Да живее Република Македонија! 🇲🇰
