Орбан: Даваме поддршка за секоја мировна иницијатива, подготвени сме да помогнеме

orban
Facebook
Twitter
LinkedIn
Telegram
WhatsApp
OK

Унгарија е на страната на мирот и ќе го поддржи секој мировен план, изјави денеска премиерот Виктор Орбан.







– Не се знае кој мировен план има шанси за успех, па Унгарија ги поддржува сите иницијативи и е подготвена да помогне во тој процес, било како посредник или да биде место за преговори за прекин на огнот, изјави Орбан по средбата на лидерите на Центристичката демократска интернационала во Словенија, на Блед, пренесува МТИ.

Според него ако не се направи првиот чекор, никогаш нема да се постигне мир.

Орбан рече дека некои гледаат можност за решавање на руско-украинскиот конфликт со воени средства, но дека други не ја гледаат оваа можност и повикуваат на прекин на огнот и мировни преговори.

„Вистинската природа на конфликтот сè уште не е откриена, некои го сметаат за прокси војна, додека други зборуваат за вистинска војна меѓу двете страни“, изјави унгарскиот премиер.

Одговарајќи на новинарско прашање зошто Унгарија го блокираше испраќањето на пакетот помош за Украина од Европскиот фонд за мир, Орбан рече дека овие средства се наменети за европската безбедност, а не за војната во Украина.

„Поголемиот дел од средствата се користат за поддршка на Украина. „Унгарија сака да разјасни дали фондот служи на својата првична цел или е насочен кон поддршка на Украина“, рече Орбан.

Тој посочи дека позицијата на Будимпешта е поинаква во однос на другите земји во регионот, имајќи предвид дека во Украина живее унгарско малцинство чии животи се жртвувани, што е „лична национална загуба“ и за Украина и за Унгарија.

Состанокот на Центристичката демократска интернационала се одржува под мотото „Безбедност, правда, мир“, а Орбан учествува како еден од нејзините потпретседатели.

Facebook
Twitter
LinkedIn
Telegram
WhatsApp
OK