Љупчо Коцевски ја оневозможува правдата, 0% реализација и целосно кочење на постапки. Коцевски како шеф на ЈО покажа дека е безпоговорен послушник на СДС, истакна на денешната прес-конференеција Бране Петрушевски, пратеник на ВМРО-ДПМНЕ.

„Дека Љупчо Коцевски не планирал да гони криминал, туку да ги штити кадрите на СДС е непостапувањето против судиите и обвинителите во случајот со Наќе Георгиев и Иџет Мемети, кои признаа вина дека се стекнале со имотна корист за да влијаат на намалување на казната на Боро Марлборо“.

Љупчо Коцевски, додава Петрушевски, ги остави метастазите на СДС во правосудството да се шират.

„Љупчo Коцевски како шеф на ЈО покажа дека е неспособен да реализира предмети на висока корупција, затоа што ги штитеше кралевите на криминалот и корупцијата – СДС.

Во јавноста и стручната фела нема еден аргумент зошто Љупчо Коцевски треба да остане, а милион зошто треба да си замине. Време е за одговорност“, истакнува Петрушевски.