Промоција на книгата „Политичка партиципација на лицата со попреченост“ од магистер Теодор Богоевски ќе се одржи денеска напладне во Музејот на современа уметност во Скопје.

На промоција на книгата, според организаторите, ќе се обратат претседателот на државата Стево Пендаровски, премиерот Димитар Ковачевски, Христина Спасевска, претседателка на Инженерската институција на Македонија, а ќе говори и авторот на книгата Богоевски.

Книгата ја рецензираа професорите Марика Ристовска, Марко Кртолица и Александар Спасеновски од Правниот факултет „Јустинијан Прима“ – Скопје.

Богоевски е советник на Претседателот на Владата на Република Северна Македонија за лица со попреченост.