Шон Бејкер освои четири златни статуетки на синоќешното доделување на Оскарите, израмнувајќи го рекордот кој 70 години го држеше Волт Дизни, едно од најголемите имиња во Холивуд.

Со освојувањето на Оскарите за најдобар филм, најдобра режија, најдобра монтажа и најдобро оригинално сценарио за филмот „Анора“, Шон Бејкер стана само втората личност што го направила тоа.

За разлика од Дизни, Бејкер ги освои сите четири награди за еден филм, односно победи во сите категории во кои беше номиниран, додека петтиот Оскар за филмот „Анора“ и припадна на Мајки Медисон за најдобра женска улога.

Успехот на оваа вечер претставува продолжување на големиот подем за Бејкер, кој претходно важеше за уметнички режисер и аутсајдер, бидејќи не доби ниту една номинација пред овој филм.

Ако сака да го „брка“ успехот на Дизни, на Шон Бејкер му претстои долг пат, бидејќи славниот Дизни имаше вкупно 22 Оскари.