Барбара Палвин и Дилан Спраус станаа родители по првпат и ја споделија среќната вест на социјалните мрежи.
Унгарскиот модел Барбара Палвин го роди своето прво дете и набрзо потоа ја сподели прекрасната вест со своите следбеници на социјалните мрежи.
„Оваа година буквално го сфативме изразот ’Денот на трудот‘ (Labor Day)“, напиша Палвин (32) покрај фотографија на која позира со Спраус (34) и нивната новородена ќерка; сите тројца носат дресови на тимот „Лос Анџелес Доџерс“.
View this post on Instagram
Двојката во мај објави дека очекува принова, при што моделот за првпат го покажа својот труднички стомак на црвениот тепих на Филмскиот фестивал во Кан.
Два месеци подоцна, Палвин и поранешната ѕвезда на „Дизни канал“ го открија полот на бебето во премиерната епизода од подкастот на Спраус, Wildmen, кој тој го води заедно со својот пријател Бренден Колумбус.
View this post on Instagram
„Ќе добиеме девојче и навистина сум возбуден поради тоа. Всушност, со нетрпение очекувам да бидам татко на девојче… Искрено, едноставно ги обожавам чајанките“, изјави тогаш Спраус.
Барбара и Дилан се запознаа на забава во 2017 година, а врската ја започнаа следната година. Дилан ја запроси убавата Унгарка во септември 2022 година, а двојката стапи во брак во нејзината родна земја.
View this post on Instagram
Една година пред да ја објави бременоста, Палвин јавно зборуваше за својата борба со ендометриозата, споделувајќи повеќе детали за тоа искуство во интервју за мајското издание на списанието L’Beauté.
„Тоа ме направи посвесна за себе и потрпелива кон себе. Научив дека не можеш да го игнорираш она што ти го кажува телото. Ако чувствуваш дека нешто не е во ред, не го игнорирај тоа.“
View this post on Instagram
