Потрагата по фармацевтот на Сува планина се уште трае: Отишол без соодветна опрема за планнинарење и ги оставил телефоните во автомобил

hhg.jpg
Facebook
Twitter
LinkedIn
Telegram
WhatsApp
OK







Полицајци, пожарникари, членови на Планинарската спасувачка служба, семејството, роднините и пријателите се уште трагаат по Милан Ѓорѓевиќ (41), кој исчезна во понеделникот попладне на падините на Сува Планина, во близина на излетничкото место Бојанини Води. На помош беа повикани шумарите кои одлично го познаваат тој дел од теренот и патеките кои водат до планинските врвови и до селото во подножјето на планината.

Потрагата по младиот фармацевт се врши и од воздух, со помош на најсовремен дрон што Машинскиот факултет во Ниш им го обезбеди на пријателите на исчезнатиот.

Во понеделникот, после работа, Милан со својот автомобил Шкода се упатил до излетничкото место и го паркирал возилото на паркингот до затворениот планинарски дом. Еден од жителите на селото, кој ја косел ливадата, потврдил дека го видел околу 18 часот и 30 минути и од тогаш му се губи секаква трага.

Семејството и пријателите на младиот фармацевт веруваат дека тој отишол да шета по планина, бидејќи сака природа и планинарење, но се загрижени што тој заминал сам и го оставил и личниот и службениот телефон во автомобилот. Ги загрижува и тоа што на планина отишол без соодветна опрема за планинарење, со „обични“ чевли со кои лесно можел да се лизне, падне и да се повреди, а не можел да повика помош бидејќи не носел телефон.

Facebook
Twitter
LinkedIn
Telegram
WhatsApp
OK