Хамас изјави дека управувањето со Појасот Газа е „чисто палестинска работа“, како одговор на изјавите на Соединетите Американски Држави (САД) дека движењето не може да биде дел од управувањето во енклавата, пренесува „Anadolu“.

„Управувањето со Газа или дел од нашата земја е палестинска работа и ниедна сила нема да може да ја промени реалноста или да ја наметне својата волја“, изјави портпаролот на Хамас, Абдул Латиф ал Кану.

Портпаролот на Белата куќа за национална безбедност Џон Кирби во вторникот изјави дека Хамас не може да биде дел од управувањето во Газа.

„Треба да има здрава серија разговори за тоа како ќе изгледа постконфликтната Газа и управувањето“, додаде Кирби.

Абдул Латиф ал Кану го нарече повикот на Кирби за соборување на Хамас „чиста фантазија“.

„Хамас е движење за национално ослободување и живее во секој палестински дом. Хамас е составен дел од нашата нација и има право да се спротивстави на окупацијата во согласност со сите закони и обичаи“, рече Ал Кану.

Според официјалните податоци, бројот на загинати во Израел е околу 1.600.