САД нема да ја напуштат Украина, најави претседателот Џо Бајден еден ден откако Конгресот гласаше за привремен буџет и спречи затворање на федералните канцеларии, но без да обезбеди средства за украинската војска против руската инвазија, објавија АФП и Ројтерс.

„Сакам да ги уверам нашите сојузници, американскиот народ и народот на Украина, дека можат да сметаат на нашата поддршка. Нема да ви го свртиме грбот! Огромното мнозинство од двете партии – демократи и републиканци, во Претставничкиот дом и во Сенатот, поддржете ја Украина против бруталната агресија на Русија“.

Без да навлегува во детали, Бајден сподели дека постигнал договор за Украина со претседателот на Претставничкиот дом, Кевин Мекарти.

Сепак, функцијата на Мекарти е доведена во прашање, откако екстремно десничарските конгресмени од неговата Републиканска партија се заканија дека ќе го соборат поради компромисот за буџетот.