Хрватскиот првак Динамо Загреб има сериозен план да го врати поранешниот капитен Аријан Адеми во тимот. Тој замина од “Максимир” во Пекинг Гуан потпишувајќи тригодишен договор, но новиот тренер Сергеј Јаќировиќ би сакал да го има во составот.

Адеми е во преговори и со Трабзонспор, кој исто така би сакал да го има одличниот играч за врска и тоа како позајмен играч од кинескиот клуб.

“Спортске новости” истакнува дека Адеми би бил вистинско засилување за Динамо Загреб, кој оваа сезона ќе има силна конкуренција во хрватскиот фудбал во Хајдук Сплит и во Ријека.