Поранешниот тајландски премиер Таксин Шинаватра, кој избега од земјата пред 15 години, се врати во Тајланд, каде што му се заканува затворска казна од осум години.

Затворската казна опфаќа три различни случаи – злоупотреба на службената положба и проневера, незаконски налози на државната банка за издавање кредити и незаконско поседување акции преку посредници.

Таксин претходно денеска беше изведен пред Врховниот суд, но неговото враќање во земјата се совпаѓа со обидот на неговите сојузници да формираат влада.

Шинаватра, бегалецот на популистичкото движење Пеу Таи, кратко се појави со членовите на семејството на аеродромот Дон Муанг во Бангкок за да ги поздрави стотиците негови поддржувачи, пред да се врати во зградата на терминалот.

Шинаватра побегна во странство во 2008 година за да избегне затвор поради злоупотреба на службената должност, две години откако беше соборен со воен удар додека беше во Њујорк каде присуствуваше на состанок на ОН како премиер.

По државниот удар, тој накратко се врати во Тајланд, но во 2008 година побегна од земјата под обвинение за корупција.

Врховниот суд на Тајланд потврди дека Таксин Шинаватра е осуден на осум години затвор.