Тренерот на Манчестер сити, Хосеп Гвардиола, е задоволен од нерешените 1:1 синоќа со Реал Мадрид во првото полуфинале од Лигата на шампионите.

– Тоа беше тешка борба. Реал Мадрид има одличен и многу искусен тим. Не е лесно да одолееш на нивниот притисок. Да видиме каде може да се подобриме во реваншот. Задоволен сум од резултатот. Одигравме многу добро во одредени периоди. Но, мислам дека можеме да играме поагресивни. Имам неколку идеи за реваншот, но прво, треба повторно да го гледаме овој натпревар, изјави Гвардиола.

Реваншот ќе се игра во Манчестер на 17 мај.