Во два бомбашки напади врз изборните канцеларии на политичка партија и независен кандидат  во југозападен Пакистан, загинаа најмалку 29 лица, додека повеќе од 20 лица беа ранети.

Никој веднаш не ја презеде одговорноста за нападите, кои се случија еден ден пред парламентарните избори во Пакистан, пренесува АП. Првиот напад се случи во Пашин, област во провинцијата Белучистан, а вториот беше извршен во изборната канцеларија на политичарот од партијата Џамијат Улема Ислам, Фазлур Реман во градот Кила Саифул во Белучистан, соопштија локалните власти.

Бомбашките напади се случија и покрај распоредувањето на десетици илјади полицајци и паравоени сили низ Пакистан за да се обезбеди мир по неодамнешниот пораст на милитантните напади во земјата, особено во Балучистан.

Провинцијата Белучистан, богата со гас, се наоѓа на границата со Авганистан и Иран.

Повеќе од две децении, таа беше сцена на бунт на балошките националисти, кои првично сакаа дел од ресурсите на покраината, но подоцна започнаа бунт за независност. Силно присуство во провинцијата имаат и пакистанските талибанци и другите милитантни групи.