Украинската војска соопшти дека според прелиминарните резултати, Русија употребила 158 различни воздушни средства во својот масовен воен напад врз Украина.

Главниот командант на вооружените сили на Украина, Валериј Залужни, вели дека Русија прво користела потрадиционален метод за распоредување на беспилотни летала Шахед од иранско производство.

Потоа следеше употреба на најмалку 55 крстаречки ракети, 14 балистички ракети, пет аеробалистички ракети и одреден број антирадарски ракети.

Залужни вели дека Украина соборила 27 од 36 дрона лансирани од Русија, како и 87 проектили.

Во 10 часот Украина објави нови податоци за загинатите и повредените.

Киев – 2 загинати, 18 ранети
Лавов – 1 загинат, 9 ранети
Днипро – 5 загинати, 15 повредени
Одеса – 2 загинати, 15 повредени
Харков – 1 загинат, 9 повредени
Запорожје – 1 загинат, 10 повредени