Роберто Кавали беше погребан денеска во Сан Минијато, населба во Италија.

Сандра Нилсон, 45 години помладата сопруга се прости од познатиот дизајнер. Таа не ги криеше солзите и го бакна ковчегот. Меѓу другите, на последното збогување дојдоа неговите деца, поранешната сопруга Ева Марија и бројни познати личности од Италија.

Медиумите потсетуваат дека италијанскиот моден дизајнер Роберто Кавали почина на 83-годишна возраст по долго боледување.

Роберто е најпознат по неговиот истоимен моден бренд. Брендот Roberto Cavalli е основан во седумдесеттите години, а групацијата моментално управува со широко портфолио на меѓународно етаблирани брендови позиционирани во различни сегменти од премиум понудата.

Пред врската со Сандра, модниот маг беше во брак двапати и имаше пет деца. Во првиот брак, со Силванела Џанони, ги добил синот Томасо и ќерката Кристина, а со втората сопруга Ева Марија Диренер имал три деца – Роберто, Рејчеле и Даниеле. Сандра го роди шестото дете.