Портпаролката на руското Министерство за надворешни работи, Марија Захарова, му порача на министерот за одбрана на Велика Британија, Грант Шапс, наместо да се занимава со руските избори, да ја бара Кејт Мидлтон.

Шапс рече дека Владимир Путин „повторно ги украл изборите, но нема да ја украде Украина“.

На ова набрзо реагираше Захарова, која изјави дека Британците се „навикнати да ограбуваат се“.

„Патем, што е со Кејт Мидлтон? Се појави?“, напиша таа на Телеграм и му порача на Шапс да ја побара принцезата од Велс.

Захарова алудира на исчезнувањето на Кејт Мидлтон од јавноста по операцијата на стомакот во јануари.