Британското Министерство за одбрана во својот денешен извештај, базиран врз разузнавачки податоци соопшти дека „неодамнешното зголемување на бројот на несреќи на руските железници во областите што граничат со Украина, што се припишува на саботажа од непознати актери, речиси сигурно предизвика краткорочно локализирано нарушување на рускиот воен железнички сообраќај“.

„Иако нејзините железнички бригади се способни брзо да ги обноват шините, овие инциденти ќе го зголемат притисокот врз внатрешните безбедносни сили на Русија, кои најверојатно нема да можат целосно да ја заштитат големата и ранлива железничка мрежа на Русија од напади“, додаваат од Министерството во извештајот објавен на Твитер.