Гледајќи ја снимката од судирот на авионот на „Јапан ерлејнс“ за време на слетувањето на аеродромот Ханеда во Токио, чудо е што никој од 379 патници од леталото не е повреден.

Имено, пет од шесте членови на екипажот на авионот на јапонската крајбрежна стража „Деш 8“ загинаа, но сите 379 патници и членови на екипажот во „Ербас А350“ ја преживеаја несреќата и беа евакуирани во рок од 90 секунди.

Додека истрагата за тоа што се случи е во тек, експертите посочуваат дека успешната евакуација е резултат на комбинација на современи безбедносни стандарди и ригорозна безбедносна култура на „Јапан ерлејнс“ .

„Бев изненаден од она што го видов на видеото и ми олесна што сите излегоа“ изјави за „Си-Ен-Ен“ Греам Брејтвејт, професор по безбедност на британскиот универзитет Кранфилд.

Кобната авионска несреќа што се случи пред речиси 40 години придонела „Јапан ерлејнс“ (JAL) сега да стане безбедна авиокомпанија, кога нивниот лет од Токио до Осака се урна на 12 август 1985 година, при што загинаа 520 од 524 патници.

Несреќата се случи по лошата поправка на опашката од страна на техничарите на „Боинг“ (не авиокомпанијата) и до ден денес останува најсмртоносната авионска несреќа во историјата.

„Јасно е дека тоа имаше силно влијание врз авиокомпанијата. Во култура како Јапонија, тие ја презедоа таа одговорност и сакаа да се погрижат ништо вакво никогаш да не се повтори“ изјави Брејтвејт.

Сфаќајќи дека многу од работниците кои се приклучија на компанијата не се сеќаваат на несреќата, „Јапан ерлејнс“ отвори простор во своето корпоративно седиште во 2005 година за прикажување на делови од остатоците, како и приказни за екипажот и патниците.

Речиси четири децении подоцна, катастрофалната несреќа сè уште има длабоко влијание врз менталитетот на компанијата.

„Имаат многу строга култура на стандардни оперативни процедури и прават се како што треба. Тоа е една од причините зошто екипажот се справи толку добро вчера“изјави Брејтвејт.

Иако не е јасно кој е виновен за несреќата, Брејтвејт вели дека успешната евакуација е апсолутна позитивност за „Јапан ерлејнс“.

„Ако сакаш причина зошто треба да леташ со нив, мислам дека штотуку си ја видел“, рече тој.

„Јапан ерлејнс“ е редовно на годишната листа на најбезбедни авиокомпании на светот на Airlineratings.com.

„Нашиот портал ја оцени авиокомпанијата со седум ѕвезди и ги помина сите поголеми безбедносни контроли. Исто така, јапонскиот регулатор за безбедност на воздухопловството има подобри резултати од светскиот просек во осум критериуми за следење“, изјави главниот уредник Џефри Томас за Си-Ен-Ен.

Како што многу добро знаат вработените во „Јапан ерлејнс“, безбедносните прописи на модерната авијација се „напишани во крвта на другите кои немале толку среќа“, вели неименуван пилот на голема европска авиокомпанија. Несреќите стануваат лекции, кои „се споделуваат низ индустријата за да може секој екипаж да стане подобар во својата работа“, додаде тој.

Меѓу несреќите што имале големо влијание врз безбедноста во иднина е онаа од 1980 година, кога сите 300 патници на летот 163 на Саудиска Арабија починаа од вдишување чад откако принудно слетаа во Ријад, а пилотите не наредија евакуација.

Ова беше поттик да му се даде овластување на кабинскиот екипаж да извлекува патници. Од таа и други несреќи произлегоа многу препораки кои влијаеа на многу карактеристики на модерните авиони, истакна Брејтвејт.

Дополнително, како причина за брзата евакуација се наведува и тоа што патниците на летот ЈАЛ 516 се евакуирани итно од леталото без да ги понесат рачните торби со себе.

„Заминаа со својот телефон, а се останато мораше да остават зад себе“ изјави за „Си-Ен-Ен“, Мика Јамаке, чиј сопруг бил на тој лет.

Ерлих истакна дека секое одложување на евакуацијата поради лаптоп или рачна торба можело да биде катастрофално.

„Овој инцидент можеше да биде многу пострашен доколку патниците не ги послушаа предупредувањата да ги остават своите работи“, рече тој.