Голманот на Реал Мадрид, Тибо Куртоа доживеа нова повреда која ќе го оддалечи од терените до крајот на сезоната.

Белгискиот голман од почетокот на сезоната нема среќа. Ги скина лигаментите во коленото пред почетокот на сезоната, рехаблитиацијата одеше според планот, прогнозите беа дека наредниот месец ќе се врати на терените, но само што почна да тренира, доживеа нова повреда.

Овој пат на тренинг го повреди менискусот на десното колено. Куртоа во солзи го напуштил тренингот.

Според првите проценки, не се работи за сериозна повреда како претходната, но веројатно ќе мора да оди на операција.