Поголем број мажи облечени во црно се собираат во Пионирскиот парк во Белград, а потоа се движат кон Претседателството на Србија, јавува Н1, во период на зголемени тензии во пресрет на објавувањето на првите изборни проекции.
Според информациите на медиумот, просторот во паркот постепено се пополнувал, додека групата мажи се упатувала кон седиштето на српското претседателство.
@Murar68 ne da priželjkuje već je i organizovao. Puni se Pionirski park maskiranim hordama https://t.co/FgC03vA6eH
— grdAna 🌪️ (@HannaHmarria) October 25, 2026
Движењето на групата доаѓа во момент кога опозициските сили, студентските организации и европските претставници предупредуваат на можни инциденти и провокации по затворањето на избирачките места.
Европските демократи соопштија дека добиваат предупредувања оти околу 21 часот би можело да се организира собирање поддржувачи на владејачката Српска напредна странка (СНС). Според наводите поврзани со студентската листа, ваквите собири би можеле да создадат притисок на теренот и да предизвикаат судири во моментот кога ќе почнат да се објавуваат првите резултати.
This is concerning: dozens of men in black hoodies said to be SNS supporters are gathering in downtown Belgrade after riot police were deployed in the same area earlier today.
The Student List has asked its supporters to avoid confrontation and stay safe. https://t.co/2lNfsiblaO
— Aleksandar Brezar (@brezaleksandar) October 25, 2026
Поради ваквите предупредувања, Европските демократи побараа итна реакција од полицијата и надлежните институции за заштита на гласачите, кандидатите, набљудувачите и студентите.
Студентското движење, пак, ги повика своите поддржувачи да останат смирени, да ги следат резултатите од своите домови и да не излегуваат на улиците поради можни провокации.
Во Белград е засилено присуството на безбедносните сили во близина на клучните државни институции и седиштата на политичките партии. Засега нема независна потврда дека собирот во Пионирскиот парк е поврзан со план за предизвикување судири.
