Точка на дневен ред на денешниот состанок на Работната група што треба да ја подготви предлог-иницијативата за измени на Уставот е да се усвои деловникот и не е пријавено дека ќе се дискутира на други теми, изјави денеска пред почетокот на состанокот членот на групата од редовите на Алијанса за Албанците, Ремзи Мехмеди.

На прашањето дали ќе се води суштинска расправа по предлог-иницијативата тој нагласи дека станува збор за продолжение на втората седница, на која треба да се разговара за тоа како ќе движат работите понатаму.

Во врска со тоа дали има други предлози од партиите, на пример бришење на 20 проценти за албанскиот јазик, Мехмеди вели дека денеска треба да се одлучи за деловникот и оти не е пријавено дека ќе се зборува за суштински работи.

-Затоа ќе видиме, имаме претседател, имаме потпретседател на комисијата и ќе видиме како ќе се одвиваат работите понатаму, додаде тој.