ЈП Водовод и канализација – Скопје го објави неделниот извештај , според кој се потврдува квалитетот и безбедноста на водата за пиење во Скопје.

Секторот за санитарна контрола во периодот од 19.06 до 23.06. земал 185 примероци за физичко-хемиска и 185 примероци за микробиолошка анализа на вода за пиење од 41 мерни места во Градот Скопје.

Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење, стои во соопштението од ЈП Водовод и Канализација.