После историскиот одзив од 28.000 потписи за Силјановска, остануваме посветени на промените за подобра иднина, рече портпаролката на ВМРО-ДПМНЕ, Марија Митева.

„Историски најголем одзив досега, собрани се над 28.000 потписи за помалку од 12 часа. Ова е најголемиот доказ и најточниот индикатор за тоа колкава е желбата и надежта на граѓаните за промени за подобра иднина. Но, ова за ВМРО-ДПМНЕ пред се е голема одговорност пред секој еден граѓанин. Имаме обврска пред секој еден од вас да ја оправдаме во целост Вашата поддршка“, рече Митева.

Како што додаде, на Македонија и се потребни темелни реформи, а ВМРО-ДПМНЕ се обврзува дека ќе ја оправда дадената поддршка од граѓаните.