Премиерот, Христијан Мицкоски, го пречека претседателот на Европскиот совет, Антонио Кошта.

„Денеска остварив средба со претседателот на Европскиот совет, Антонио Кошта на која разговаравме за европската перспектива на нашата држава, актуелните предизвици и можностите за продлабочување на соработката со Европската Унија. Во отворен и конструктивен разговор ја потврдивме заедничката заложба за унапредување на реформските процеси, зајакнување на демократските институции и забрзување на европската интеграција“, објави Мицкоски.

Премиерот кажа дека истакнал дека граѓаните очекуваат конкретен напредок на европскиот пат, а поддршката и партнерството од Европската Унија се од особено значење за остварување на тие цели.