По смртта на моделот Пресли Гербер, неговата мајка, познатата манекенка Синди Крафорд, е скршена од болка.
„Синди е во целосен шок поради ненадејната смрт на Пресли“, изјави извор близок до познатиот супермодел за магазинот „Пипл“, додавајќи: „Таа е скршена“.
Пресли Гербер почина на 20 септември на 27-годишна возраст, по, како што се претпоставува, предозирање и срцев застој.
Според евиденцијата на полицијата во Санта Моника, утрото на 20 септември бил примен повик во врска со предозирање на локација во Санта Моника. Во извештајот за инцидентот исто така било наведено дека дошло до срцев застој.
Извор близок до сестрата на Пресли, Каја Гербер, претходно за „Пипл“ изјави дека семејството е „во целосен шок“ по неговата трагична смрт.
„Тие се неизмерно тажни“, рече изворот.
„На Каја ѝ се допаѓаше тоа што Пресли беше отворен за своите животни предизвици. Неговото семејство беше многу гордо на него што наоѓаше сила да им помага на другите.“
Друг извор, кој со години е близок до семејството Крафорд, за „Пипл“ изјави дека Синди и Ренди биле длабоко вклучени во животот на својот син во текот на неговите долгогодишни борби.
„Ова воопшто не беше ситуација во која двајца холивудски родители беа отсутни“, рече изворот.
„Синди и Ренди му пружаа максимална поддршка на Пресли. Секогаш беа тука за него и правеа сè што можеа за да помогнат. Семејството отсекогаш било многу блиско, а Пресли беше многу сакан.“ Според извештајот на судскиот лекар од округот Лос Анџелес, аутопсијата на телото на Пресли е завршена, но официјалната причина за смртта засега е одложена.
Во изјава за „Пипл“, судскиот лекар од округот Лос Анџелес истакна дека смртта на Пресли е предмет на истрага, додавајќи: „Истрагата е во тек и достапни се ограничени информации. Смртта била констатирана во 9:45 часот наутро на 20 септември 2026 година од страна на медицинскиот персонал кој пристигнал на местото на настанот. Полициската управа на Санта Моника ја спроведува истрагата.“
Во посебна изјава објавена кратко потоа, канцеларијата на судскиот лекар додаде дека се наоѓа во „рана фаза на истрагата“ за смртта на Присли и дека „утврдувањето на причината и начинот на смртта е одложено, што значи дека се побарани дополнителни испитувања и/или анализи за да се донесе конечен заклучок“. Овој процес би можел да трае неколку месеци.
