Алијансата за Албанците оценува дека градоначалникот на Куманово, Максим Димитриевски, би можел да ја напушти Владата поради очекувањата за одржување предвремени парламентарни избори. Според партијата, прашањето за правосудниот испит му е потребно за да го искористи во предизборната кампања и да се претстави како „голем патриот“.

Од Алијансата за Албанците упатија и иронични критики, нарекувајќи го Димитриевски „патриот на батерии од Кина“.

Во партиското соопштение се поставуваат прашања кои други теми би можел да ги понуди градоначалникот во предизборната кампања, наведувајќи ги враќањето на името на државата, бесплатниот јавен превоз и реконструкцијата на градскиот плоштад.

Според АА, Димитриевски ги потрошил останатите политички адути и сега се обидува да го подобри рејтингот за еден процентен поен преку отворање на прашањето за правосудниот испит.

„Прочитана карта!“, порачуваат од Алијансата за Албанците.