Миле Китиќ потекнува од село во Босна, каде и покрај скромното детство, успеал да ги остави пред себе музичките соништа и да стане голема ѕвезда.

Во својата изјава за Гранд, тој откри непознати детали од растењето и животната борба.

– Роден сум во село во БиХ, во земјоделско семејство, бевме петмина. Не кријам дека му помагав на семејството, се грижев за стоката, сето тоа го правев покрај одењето на училиште, но тоа беше нормално – изјави тој.

Среќните денови во неговото село биле прекинати со заминувањето на неговите родители на друг континент кога тој го напуштил родното место и на четиринаесет години заминал во Сараево.

– Кога бев осмо одделение, моите родители заминаа во Америка, а најстариот брат ми беше како втор татко, живееше во Сараево. Имаше жена и дете и сите живеевме во една барака, една соба. Отидов кај него и завршив средно училиште – открива Китиќ и додава:

„Тешко е да се дојде од провинција во голем град и да се започне со музика, особено Сараево тогаш беше музичка метропола. Имаше неколку пејачи кои беа сериозни ѕвезди. Почнав да пеам во центрите за култура и ме забележаа, имаше некои момци кои го основаа бендот „Принцови“ и почнав да свирам со нив бас гитара покрај обврските кон училиштето, почнав и да потпевнувам и да одам на некои аматерски натпревари“, се присетува пејачот на неговите почетоци.

Покрај пеењето, Китич сакал и спорт и имал амбиција да се запише на факултет.

„Сакав да бидам професор по физичко. Отидов на приемот на ДИФ и таму запознав колеги кои се занимаваа со музика, а тој ден имаа тезга во градина. Отидов со нив да пеам наместо на приемниот и така почна се… Не се запишав на факултет! – вели Китиќ.