Џои Кинг конечно се осврна на гласините за естетски корекции што кружат веќе некое време.
Појавувањето на Џои Кинг на црвениот тепих на „Мет Гала“ во 2026 година привлече големо внимание, а некои фанови се прашуваа дали актерката се подложила на естетски зафати за да го постигне својот впечатлив изглед.
Џои сега ги демантираше шпекулациите за пластична операција, откривајќи детали за интензивните подготовки низ кои поминала пред модниот настан.
View this post on Instagram
Од 36-часовен пост и лимфни масажи до третмани за лице, актерката ги сподели чекорите што ги презела за да изгледа „фантастично“ за големата вечер.
За време на гостувањето во подкастот „In Your Dreams“ со Овен Тил, Џои изјави: „Не направив затегнување на лицето. Мило ми е што зборуваме за ова. Она што навистина го направив беше вештачко потемнување на кожата со спреј. А потоа постев 36 часа. Без храна, само вода – нешто што апсолутно не го препорачувам“.
View this post on Instagram
Актерката рече дека одлучила да пости откако се вратила од моминска забава.
„Претходниот викенд бев на моминска забава; изгледав подуено и имав консумирано многу алкохол. Изгледав ужасно. И си помислив: ‘Треба да направам ресетирање. Ќе постам 24 часа’. На крајот, тоа се претвори во околу 36 часа и секакви други работи“, рече таа, додавајќи дека постот е „добра практика еднаш месечно, доколку сте доволно здрави за тоа“.
View this post on Instagram
Џои зборуваше и за козметичките третмани на кои се подложила пред „Мет Гала“. „Отидов на лимфна масажа, а потоа направив третман за лице еден ден пред ‘Мет Гала’. На самиот ден на настанот, имав уште една лимфна масажа на лицето. Направивме сè што можевме за да изгледам фантастично на црвениот тепих. И знаете што? Успеа, бидејќи сите мислеа дека сум направила пластична операција, а всушност не сум“.
