Полициски службеници од СВР Битола денеска заради сомнение за сторено кривично дело по чл.396 од КЗ ги лишиле од слобода 68-годишниот П.Ј. од Битола и 61-годишниот Т.Г. од село Канино, битолско, извести МВР.

„Имено, при извршен претрес со судска наредба од Основен суд Битола во куќа сопственост на П.Ј.(68) од Битола беа пронајдени и одземени 14 пушки, пет пиштоли, два револвери, разни делови за оружје и околу 300 куршуми различен калибар. При претрес во село Канино, битолско во домот на Т.Г.(51) од село Канино, пронајдени и одземени се две ловни пушки, една воздушна пушка, еден пиштол, разни делови за оружје, како и патрони за пушка“, соопшти МВР.

Лицата се лишени од слобода и по документирање на случаите ќе бидат поднесени кривична пријава.