Триесетгодишен скопјанец е уапсен откако негова 40-годишна познаничка го пријавила во полиција дека ја измамил за 1.558.300 денари, по претходен договор за подигнување станбен кредит.

Жената пријавила дека претходно се договориле и подигнале станбен кредит од банка, но по завршувањето на процедурата, мажот ѝ ги зел парите и одбивал да се сретне со неа.

Постапувајќи по пријавата, полициски службеници од СВР Скопје вчера (26 октомври), во 18:15 часот, го лишиле од слобода Н. К. (30) од Скопје.

Од МВР информираат дека по целосно документирање на случајот ќе следува соодветен поднесок.