Албаниан пост: Зеќири и Пеци среде тензии влегоа во објектите на општините

alb post
Facebook
Twitter
LinkedIn
Telegram
WhatsApp
OK

Во тензична ситуација градоначалниците на општините Зубин Поток, Измир Зеќири и на Звечан, Илир Пеци, успеаја да влезат во објектите на соодветните општини со помош на Косовската полиција, за разлика од Лепосавиќ каде избраниот градоначалник сè уште не влегол во својата канцеларија, поради барикадите што ги поставија Србите во таа општина, јави Албаниан пост.







Порталот потсетува дека Владата на Косово ја стави во функција косовската полиција за да им помогне на градоначалниците на трите северни општини, Зубин Поток, Звечан и Лепосавиќ, да влезат во објектите на општините. Тие претходно положија заклетва на импровизирани места, поради нивна безбедност, за разлика од градоначалникот на општина Северна Митровица, Ерден Атиќ, кој без проблем успеа да ја изврши свечената заклетва во објектот на општината.

Акцијата ја потврди и косовската полиција.

– Согласно службената должност, денеска косовската полиција им помага на градоначалниците на северните општини Звечан, Лепосавиќ и Зубин Поток да го остварат своето право на работа, во службените објекти на соодветните општини, се вели во официјалното соопштение на косовската полиција.

Во меѓувреме, српските медиуми јавија дека припадници на косовската полиција насилно влегле во општинската зграда во Лепосавиќ. Како што јави дописникот на РТС, полицијата со солзавец и шок бомби ги растерала насобраните граѓани и ги оддалечила од општинската зграда.

Целиот центар на Лепосавиќ е во чад, јави РТС.

Facebook
Twitter
LinkedIn
Telegram
WhatsApp
OK