Околу 8 часот утринава со воздушна пушка е застрелано 15-годишно девојче кај Калемегдан.

Детето било застрелано во бутот кога тргнало на училиште.

Според српските медиуми, девојчето тргнало на училиште, а во првиот момент откако било рането помислила дека ја удрила топка во ногата. Неколку секунди подоцна забележала крв.

Девојчето е пренесено во Институтот за мајка и дете и чека операција.

Тинејџерката се здобила со прострелна рана во бутот.

Инцидентот бил пријавен во полиција по 8 часот, а истрагата е во тек.