Портпаролот на Европската комисија Петер Стано денеска изрази жалење што монголските власти го угостија рускиот претседател Владимир Путин и не го уапсија, како што налага наредбата на Меѓународниот кривичен суд.

„ЕУ жали што Монголија, земја потписничка на Римскиот статут на Меѓународниот кривичен суд, не ги исполни своите обврски од статутот за извршување на налогот за апсење на рускиот претседател Путин за злосторства извршени во Украина“, рече Стано по повод Посетата на Путин на Улан Батор, пишува Украинска Правда.

Тој изјави дека ЕУ ги поддржува истрагите на обвинителството на МКС за руско-украинската војна и ги повикува сите страни во Римскиот статут целосно да соработуваат по ова прашање.