Поранешниот тренер на Вардар, Веселин Вујовиќ има нова работа. Тој ќе стане селектор на Катар, вицешампион на светот во 2015 година. Промоцијата ќе се одржи утре во Доха.

Вујовиќ доаѓа на местото на Дарко Тавриќ, српски стручњак, поранешен тренер на Леотар од Требиње, кој беше привремен кормилар на оваа селекција по заминувањето на легендарниот Валеро Ривера на почетокот на годината.

Шпанецот беше селектор на Катар речиси една деценија, имаше еден од најголемите договори во светот на ракометот.

Вујовиќ во кариерата досега предводел четири селекции: Србија и Црна Гора, Македонија, Словенија и Иран.