Словенија ја доби Хрватска во балканското дерби на ракометниот турнир во Париз. Натпреварот кој го судеа Начевски и Николов им припадна на Словенците со 31:29.

Словенците во првата рунда загубија од Шпанија, а Хрватска со голот на Мартиновиќ во последната секунда ја победи Јапонија. Словеците со овиј трумф над директниот конкурент ги задржаа шансите за место во четвртфиналето, од друга страна Хрватите во преостанатите натпревари ќе мора да забележат барем една победа. Ривали ќе им бидат Германија, Шбедска и Шпанија.

Хрватите подобро влегоа во натпреварот, во првата половина од првиот дел три пати имаа предност од четири гола, која упорните словенци багодарени на Влах успеаја да ја анулираат до крајот на првиот дел.

На стартото на второто полувреме, Словенија дојде до првата предност (14:13), но Хрватите експресно ја вратија предноста која ја чуваа до 44.минута.

Во следните шест минути Словенците благодарение на голманот Ферлин и Јанц во нападот направија серија 5:0, поведоа со 25:21 и си го трасираа патото до победата.

Голманот Ферлин мечот го заврши со девет инетрвенции, четири од нив во моментите кога Словенија ја направи серијата 5:0. Во нападот се истакнаа Јанц и Валх со по осум гола. Хрватска со по пет гола ја предводеа Мартиновиќ и Шоштариќ.