Министрите за надворешни работи на Европската унија ќе разговараат за „неприфатливите“ активности на унгарскиот премиер Виктор Орбан и „неприфатливите“ позиции на неговата земја во однос на улогата на ЕУ во Украина, изјави денеска високиот претставник на ЕУ за надворешна политика и безбедност Јосеп Борел.

„Ќе разговараме за тоа што се случи и за позициите на унгарската влада“, рече Борел, пренесе Ројтерс.

Тој предвиде дека земјите-членки ќе треба да разговараат за ова прашање пред да донесат можни одлуки за тоа како да се позиционираат кон унгарското претседателство со ЕУ во наредните месеци.