Претседателката на Македонија, Гордана Силјановска Давкова го потпиша указот за прогласување на Законот за изменување и дополнување на Законот за организација и работа на органите на државната управа, што беше изгласан во собранието вчера со 88 гласа „за“.

Според неа законот е реформски, а ги образложи и причините.

„Законот е реформски и со него:
● прво, ќе се анулира паралелизмот на надлежностите на многу министерства, со што ќе се обезбеди функционалност и одговорност;
● второ, ќе се (дис)лоцираат надлежностите во соодветните министерства, со што ќе се рационализира и ефектуира нивната работа (Министерство за надворешни работи и надворешна трговија, Министерство за економија и труд, Министерство за енергетика, рударство и минерални суровини, Министерство за социјална политика, демографија и млади, Министерство за култура и туризам);
● трето, ќе се институционализираат нашите стратешки приоритети преку формирање соодветни министерства: (Министерство за европски прашања, Министерство за дигитална трансформација) и
● четврто, ќе се подигне нивото на општествената грижа за физичкото и менталното здравје на нацијата (Министерство за спорт)“, стои во ФБ објавата на претседателката Силјановска Давкова.