Украинскиот претседател Володимир Зеленски предупреди дека Русија ќе добие „правден одговор“ од силите на Киев за двојниот напад на балистички ракети во пристанишниот град Одеса на Црното Море, во кој загинаа најмалку 20 луѓе.

„Нашите одбранбени сили сигурно ќе направат се за руските убијци да го почувствуваат нашиот праведен одговор“, објави Зеленски во обраќањето на платформата Телеграм оваа вечер.

Шефот на регионот, Олег Кипер, претходно објави дека бројот на загинатите во рускиот ракетен напад врз Одеса се искачи на 20, додека најмалку 75 лица се повредени.

Кипер претходно објави дека во некои домаќинства е прекинато снабдувањето со гас и електрична енергија, како и дека се оштетени приватни куќи и возила за спасување.

Русија во последните недели ги засили нападите врз Одеса, украинското пристаниште на Црното Море.