Незадоволните земјоделци од цела Грција денеска тргнаа кон Атина по строго организиран план усогласен со полицијата.

Се проценува дека земјоделските возила ќе пристигнат на плоштадот по 17:30 часот по локално време, по што ќе следат говори на официјални претставници на земјоделците.

„Тука сме да ги слушнеме нивните барања“, нагласи Павлос Маринакис, претставник на грчката влада, додавајќи дека „можностите се исцрпени и нема основа за преголеми очекувања“.

Се проценува дека собирот ќе заврши вечерва околу 22 часот по локално време, но од безбедносни причини земјоделската механизација ќе остане паркирана на плоштадот во текот на ноќта и ќе ја напуштат Атина во среда наутро.