Американскиот Стејт департмент одобри продажба на борбени авиони Ф-16 на Турција и Ф-35 на Грција, откако Анкара го ратификуваше приемот на Шведска во НАТО претходно оваа недела, пренесуваат странските агенции.

Како што налага американскиот закон, Стејт департментот официјално го извести Конгресот дека ги одобрува двата договора.

Законодавниот дом, кој има рок да ги разгледа и доколку се сомнева, да ги блокира, најверојатно ќе ги одобри.