Повеќе од 100 луѓе се повредени, а повеќе од 500 се пренесени во болница откако два воза се судрија во Пекинг, објавија кинеските државни медиуми.
Како што јавуваат медиумите, инцидентот се случил вчера околу 19 часот по локално време, кога возовите се судриле при обилни снежни врнежи, додека се движеле надолу по линијата на метрото Чангпинг.
Наутро од болница се отпуштени 423 лица. Иако ваквите несреќи не се вообичаени во транспортната мрежа на кинеската престолнина, снежното невреме довело до лизгави патишта.
#WATCH | Chaos after Beijing subway carriages detach; eyewitnesses share video#china #Beijing #WIONOriginals pic.twitter.com/sTOCMCkRLM
— WION (@WIONews) December 15, 2023
Причината за несреќата е откриена
Била предизвикана„деградација на сигналот“ при што сопрел првиот воз, објави Чајна дејли, цитирајќи ги транспортните власти во Пекинг. Следниот воз не успеал да закочи на време додека се спуштал по заледените шини, поради што удрил во задниот дел на првиот воз.
Ударот предизвикал откачување на последните два вагони на еден од возовите. Не е јасно кој воз бил одвоен.
Сликите и видеата објавени на интернет покажуваат патници во вагони, оставени во темнина поради прекини на струја. Неколкумина биле видени како користат чекани за итни случаи за да ги скршат прозорците за да добијат свеж воздух.
На видеото објавено на кинеската социјална мрежа Веибо, може да се види жена која се чини дека се онесвестила како лежи на неколку седишта во возот. Шеесет и седум лица остануваат во болница на лекување, додека 25 се „под набљудување“, се вели во извештаите. Нема мртви.
