Денвер Нагетс и Далас Маверикс забележаа порази изминатата ноќ во НБА лигата. Актуелните шампиони се поразени во Кливленд 121:109, а Маверикс запишаа пораз на домашен терен од Сакраменто Кингс 129:113.
Никола Јокиќ, одигра просечен меч, веројатно најлош од стартот на сезоната и покрај тоа што бројките не го покажуваат тоа. Србинот против Кливленд имаше 18 поени, 10 скока и седум асистенции. Најефикасен кај Денвер беше Мајкл Портер јуниор со 21 кош. Кливленд до победата го предводеше Гарланд со 26 поени.
Сакраменто славеше во Далас 129:113 (35:36, 35:29, 37:31, 22:17). Одличен настап имаше Сабонис, мечот го заврши со 32 поени, 13 скока и шест асистенции, два поени помалку постигна Фокс.
Лука Дончиќ беше подобар од останатите во тимот на Далас со 25 поени, десет скока и седум асистенции, Ирвинг постигна 23.
Успешен беше и Бостон на гостински терен во Мемфис (102:100). Во победничкиот тим Порзингис постигна 26 поени, со осум скока, Тејтум имаше учинок од 20 поени, девет скока и пет асистенции.
Највозбудливиот дуел беше виден во Лос Анџелес, каде Лејкерси по голема борба го совладаа Хјустон – 105:104. Леброн Џејмс постигна 37 поени, вклучувајќи го и поедничкиот од линијата за слободни фрлања на 1,9 секунди до крајот на натпреварот.
