Денес, градоначалникот на општина Гази Баба, Бобан Стефковски беше во посета на ЈКП Гази Баба каде имаше средба со сезонските работници.

Како што информираат од општината, на средбата, градоначалникот Стефковски ги информирал сезонските работници за новото зголемување на платите.

За посетата, градоначалникот Стефковски објави на својата официјална страна на фејсбук.

„Ова е трето покачување на платите на сезонските работници кои се грижат за комуналната хигиена во општина Гази Баба од моето доаѓање за градоначалник. Во 2021 година, работниците примаа плата во висина од 14.500 денари, а со ова покачување платата ќе изнесува 19.000 денари“, вели градоначалникот.