Агенциите за помош велат дека Газа има потреба од многу повеќе помош од првичните 20 камиони што ги најави американскиот претседател Џозеф Бајден.

Шефот за хуманитарна помош на ОН Мартин Грифитс вели дека ќе бидат потребни околу 100 камиони со помош на ден.

Египет се согласи повторно да го отвори својот граничен премин со Газа за да дозволи испораки, иако подготовките за тоа траат долго.

Дипломатските контакти во врска со помошта за Палестинците продолжуваат, а египетскиот претседател Абдул Фатах ал Сиси ќе биде домаќин на јорданскиот крал Абдула.

И Египет и Јордан се во мир со Израел со години и играа значајна посредничка улога во претходните конфликти.