Украинските власти приведоа поранешен ѓакон во пристанишниот град Одеса под обвинение дека примал мито и им помагал на мажите да избегнат регрутација и да ја напуштат земјата, преправајќи ги во црковни мисионери.

Службата за безбедност на Украина (СБУ) минатата недела соопшти дека поранешниот ѓакон припаѓал на Украинската православна црква, една од двете главни ограноци на православието во земјата и до неодамна била поврзана со Московската патријаршија, пишува Гардијан.

Властите велат дека неименуваниот поранешен ѓакон им овозможил на најмалку шест мажи да побегнат во земјите на ЕУ.

„Осомничениот составувал списоци на мисионери кои требало да патуваат во странство во име на поглаварот на епархијата и верската заедница, со цел да станат свештеници“, соопшти СБУ.