Американскиот претседател Џозеф Бајден ќе биде домаќин на украинскиот претседател Володимир Зеленски во Белата куќа следната недела, објави Ројтерс повикувајќи се на свои извори.

Двајцата последен пат се сретнаа во мај во Хирошима, Јапонија, кога украинскиот претседател им се придружи на лидерите на Групата седум на нивниот годишен самит.

Ова ќе биде втор пат Зеленски да ја посети Белата куќа. Последен пат беше во Вашингтон во декември 2022 година.

Зеленски прво ќе отпатува во Њујорк на почетокот на следната недела на Генералното собрание на Обединетите нации.

Украинскиот претседател побара континуирана поддршка од САД, вклучително и ракети со долг дострел што администрацијата на Бајден, наводно, размислува да ги обезбеди.

За американскиот претседател, терминот се совпаѓа со претстојната пресметка околу федералното финансирање.

Бајден побара од Конгресот да обезбеди 24 милијарди долари за украинскиот конфликт и поврзаните трошоци, но конзервативците во Претставничкиот дом се закануваат дека ќе ја соборат американската влада доколку некој предлог-закон за финансирање е „бланко чек“ за Украина. Тековното финансирање за владините операции трае до 20 септември.