Еврокомесарката за внатрешни работи Илва Јохансон беше снимена како плете за време на вчерашниот говор на претседателката на Европската комисија Урсула фон дер Лајен за состојбата на ЕУ.

Фон дер Лајен одржа говор на почетокот на новата законодавна година, каде што Комисијата ги објавува своите планови и приоритети за наредната година, за време на пленарната седница на Европскиот парламент во Стразбур, Франција.

Иако љубовта на Илва Јохансон кон плетењето не е ништо ново, нејзината одлука да го стори тоа за време на главниот говор на нејзиниот шеф предизвика шпекулации за посветеноста на европските комесари на нивната работа.

Британскиот политичар и поранешен пратеник во Европскиот парламент Најџел Фараж го коментираше инцидентот на Икс, порано познат како Твитер.

„Дури и европските комесари на Урсула фон дер Лајен мислат дека она што таа има да го каже е досадно до смрт!“ тој напиша.